LAGE OMAS

I. Ima Lage Omas :

Nanilehon no opputta Raja Sisingamangaraja tu opputta Sitoga Simanullang, jala lage omas on hatopandoi (Pusaka) dipomparan ni Sitoga Simanullang rap nampunasa alai dipasahat Sitoga Simanullang mai dianaknya sihahaan ima TUAN DELIMANG asa ibana manimpan pusakoi, jala sahat tu sadari on pomparan ni TUAN DELIMANG do namanimpani , ima dijabu ni SIMANORUS SIMANULLANG di Bakkara huta Simangulappe , lasos adongdo muse tohonan harajaonta ima goar tohonan sian Raja Sisingamangaraja nanilehon tu ompu Raja Panguhalan anak sipadua ni Sitoga Simanullang ima goar : PAMAHURAJA (SIBUHA-BUHAI)

       PESTA NABALGA (HORJA)
1. Molo masa ulaon nabalga (horja) mangallang lombu / horbo dipomparan na dua ama , ima Pamuharaja   dohot Datu Napasang , manjalo jambar parsihahaan ma pomparan ni Tuan Delimang ima parjarung - jarungna (Somba-somba)

2. Molo pomparan ni Tuan Delimang marulaon nabalga (Horja) mangallang lombu / horbo mangalehonma Tuan Delimang tu Pamuharaja sada sasap, sadanai mai sasap tu Datu Napasang jala parjarungjungna lehonon mai tu Sinambela Raja Pareme, dungi sasapma tu pomparan ni Sinambela Tuan Nabolas , Jala lehonon ma tu pomparan ni opputta Raja Sisingamangaraja Somba-somba

    PARADATON PESTA NABALGA (HORJA)

1. Molo masa miahan hoda dipompara ni Tuan Delimang , Parjabu suhatna ma Sinambela Raja Pareme
2. Molo masa Miahan hoda dipomparan ni Pamuharaja , parjabu suhatna ma Sinambela Tuan Nabolas
3. Mola masa miahan hoda dipmparan ni Datu Napasang , parjabu suhatna ma pomparan ni Sisingamangaraja

* Molo adong ulaon nabalga di Tuan Delimang (Horja) mangalehon Bota-bota ma Sinambela Raja Pareme tu Tuan Delimang , jala manjalo Tampurung ma Sinambela Raja Pareme  sian Tuang Delimang.
* Molo adong ulaon nabalga di Pamuharaja (Horja) mangalehon bota-bota ma Sinambela Tuan Nabolas , Jala manjalo Tampurung ma sian Pamuharaja.
 * Molo adong ulaon di Datu Napasang (Horja) mangalahon bota-bota ma pomparani Sisingamangaraja , jala manjalo Tampurung ma sian Datu Napasang.
* Molo adong ulaon nabalga (Horja) disi onom ompu na dibakkara , anak sihahaan ma mangalusi parjolo , jala toluma jambar tohonan jaloan ni si Toga Simanullang.

Ima Partording ni parjambaran jaloan ni Sitoga Simanullang.